Ricardo en Friol: enero 2012

OS NÚMEROS DECIMAIS

1) Significado dos números decimais

Empréganse para representar cantidades non exactas de unidades, pois necesitamos outros números diferentes aos números naturais e aos números enteiros para este propósito.

Exemplo:

Cando falamos de 1 Kg e cuarto de froita = 1,250 Kg.
Cando percorremos medio quilómetro falamos = 0,5 Km.
Se a distancia entre dous puntos é de 3100 metros = 3,1 Km.
A metade dun cuarto de quilo = 0,125 Kg.

2) Partes dun número decimal

Os números decimais teñen como se poden ver nos exemplos anteriores dúas partes ben
diferenciadas:

- Parte enteira: á esquerda da coma

- Parte decimal: á dereita da coma

Exemplo:

75,1218 = 75 , 1218

Parte enteira coma Parte decimal

E se descompoñemos: 75(parte enteira), 1(décimas) 2(centésimas) 1(milésimas) 8 (dezmilésimas)

3) Tipos de números decimais

Podémonos encontrar con diferentes tipos de números decimais, dependendo do número de cifras decimais que posúa:

Números decimais exactos: posúen un determinado número de cifras decimais.
Números decimais non exactos: posúen un número infinito de cifras decimais.
Números decimais periódicos: infinitas cifras decimais que se repiten periodicamente.

Exemplo:

N.D. exactos: 3,45 71,3 -451,348

N.D. non exacto periódico: 6,1111111... (periodo)

N.D. non exacto non periódico: Pi = 3,14159 ...

4) Ordeación dos números decimais

Os números decimais podémolos ordear, ó igual que os números enteiros, na recta numérica.

-4 -3 -2 -1,5 -1 0 +1 +2 +3 +4

------------------------------------------------------------------------------------------------------------

Logo como temos a posibilidade de situar calquera número decimal na recta numérica, podemos comparalos, de forma que conforme máis á dereita este situado o número decimal maior será este.

2,25 > 0,8

-1,5 < 0,2

-0,75 > -2

Algunhas preguntas...

Poderiamos encontrar un número entre 3,5 e 3,6 ?
Si, por exemplo 3,52

E entre 3,5 e 3,52 ?
Si, por exemplo 3,51

E entre 3,5 e 3,51 ?
Tamén 3,507

Poderiamos encontrar máis números entre 3,5 e 3,51 ? Cantos ?
Si, poderiamos encontrar infinitos números.

Entón podemos afirmar que entre dous números decimais pódense atopar infinitos números decimais.

5) Operacións con números decimais

Suma e resta de decimais

Para sumar e restar números decimais, colócanse de forma que fagamos coincidir as comas na mesma columna. Por exemplo:

1345 , 238

431 , 25 +

37 , 6

-----------------

1814 , 088

4521 , 34

- 75 , 625

---------------

4445 , 715

Multiplicación de números decimais

Para multiplicar números decimais prescíndese das comas, e efectúase a multiplicación coma se fosen números naturais. Ao resultado obtido colocarémoslle a coma á dereita do número, obténdose tantas cifras decimais como sumen cifras decimais os factores. Por exemplo:

28 , 75

X 2 , 3

------------

8625

5750

------------

66,125

Agora imos a practicar co visto ata o de agora: